LONDON, Axad:

Col. Xasan Maxamed Nuur (Shaargaduud) hoggaamiyaha Jabhadda Wax Iska Caabinta Raxanweyn RRA oo haatan dalka Ingiriiska ayaa sheegay shalay in ay dhinacooda ka furan tahay wadada isku xirta Muqdisho iyo Baydhabo oo xirnayd tan iyo bishii Juun ee sanadkii hore, hase yeeshee uu Xuseen Caydiid ballan qaadyo horey uu u sameeyey fulin waayey.

Col. Shaargaduud oo ay wareysi la yeelatay idaacadda BBC-da laanteeda Afka Soomaaliga ayaa sheegay in jabhadiisu aysan diidanayn shirka dib u heshiisiinta Soomaaliyeed ee Jabuuti qabanqaabinayso, wuxuuna yiri isagoo arrintaa ka hadlaya "ma diidanin shirka Jabuuti waanna ka qayb galaynaa haddii dowladda Jabuuti ay soo gudbiso warbixin shirkaasi ku saabsan oo lagu qanci karo", wuxuuna markaasi ka jawaabayey su’aal ahayd sida uu shirkaasi u arko.

Mar la waydiiyey haddii uu shirka diido inuu ka cabsi qabo in dadweynuhu ku bannaan baxaan ayuu yiri Col. Shaargaduud "dadka aan hoggaamiyo waa dad isku aragti ah, mana igu bannaanbixi doonaan", wuxuuna shirka Jabuuti ku eeddeeyey inaysan shirarka hordhacyada u ah tagin dadkii uu is lahaa wax bay qaban karaan, ayna ka maqan yihiin dadkii ishaystay.

(QARAN PRESS) _____________________________________________________________________________________