Wadanka : Sweden
Magaalada : Gothenborg
Tariikh : 31 december 2000
Sacadda : 17:00----22:00

UJEEDDO: BAYAAN

Taarikhda markay ahayd 31.12.2000 waxaa kulan iskugu yimid magaalada Gothenburg culamaaùdinka, aqoonyahanadda, dhalinyarada, haweenka iyo odayaasha beesha Wacbuudhan Abgaal.

Kulankaas waxaa kale oo kasoo qayb galay Caaqil Muse Axmad Yusuf oo deggan dalka Germany, waxuuna ka hadlay muhiimada ay leedahay midnimada iyo nabada. Waxaa kale oo munaasabadaas duruus diini ah oo ku saabsan walaaltinimada ka soo jeediyay Sheikh Cabdiraxmaan Sheikh Muxyidiin Celi. Waxaa kale oo shirka lagu guddoonsaday in la sameeyo "Home page" si loo khordiyo xiriirka ka dhexeeya bulshada ku abtirsata beesha Muddullood ku nool wadanka gudahiisa iyo dibeddaba.

Waxaan dhamaan ka warqabnaa xaaladda oo dalka Somaliyeed ku suganyahay, gaar ahaan degaanka mudullood. Waxaan soo jeedinaynaa bayaanka soo socdo:

In la dhawro midnimada Beesha Wacbudhan, sida oo kale tan Mudullood iyo tan somaliwayn.

Waxaa kale oo lays tusay in uu ahaa mid khalad ah oo aan loo baahnayn in uu dhaco weerarkii lagu qaaday degmada Balcad iyo agagaarkeeda. Waxaa haboon in beel walba ay ka taliso degaankeeda, dadka Degmada balcadna ay ka tashadaan aayahooda. Waxaa dhammaan ugu baaqaynaa dadka deegaanka iyo odayaasha  maanta ku sugan degaaankaas in markasta la baadigoobo nabadda oo ah mid lagama maarmaan. Waxaa aan faraynaa dhammaan in xalka lagu raadiyo wada hadal iyo dhawritaanka xuquuqda aadamiga. Iyadoo la dhawraayo kala duwanaanshaha ra`yiga iyo qiimaayntaba. Iyada oo aan beel isku dayin in ay beel kale ku qasabto sida ay iyada wax u ragto ama u qiimayso.
waxaan kale oo ugu baaqaaynaaa in kor loo soo qaado kaalinta dumarka degaanka ay kuleeyahiin nabadaynta beelahooda iyo ka qayb qadashada go` aanda muhiimka u ah beeshooda.

Ugu dambayn waxaan ugu baaqaynaa odayaasha dhaqanka, culamaaùdiinka, hogaamiyayaasha Siyaasadda, aqoonyahannada, haweenka iyo dhallinyarada Mudullood ee ku nool wadanka in ay u sameeyaan is-maamul goboleed degaannada ay deganyihiin qawmiyadda MUDDULLOOD.

Nabad             Midnimo                   Sinnaan